கோவைக்காய் கேரட் பொரியல்

தேவையான பொருட்கள்

கோவைக்காய் - 100 கிராம்
கேரட் - 100 கிராம்
பெரிய வெங்காயம் - 1 (சிறியது)
தக்காளி - 1 (சிறியது)
மிளகாய்த்தூள் - 1/2 தேக்கரண்டி
மஞ்சள் தூள் - 2 சிட்டிகை
மல்லித்தூள் - 1/4 தேக்கரண்டி
பெருங்காயம் - 2 சிட்டிகை
கறிவேப்பிலை - 1 கொத்து
எண்ணெய் - 1 தேக்கரண்டி
கடுகு - 1/4 தேக்கரண்டி
சீரகம் - 1/4 தேக்கரண்டி
உப்பு - தேவையான அளவு

செய்முறை

1. கோவைக்காயையும் கேரட்டையும் வட்ட வட்டமாக, மெல்லியதாக நறுக்கிக் கொள்ளவும்.

2. வெங்காயம் தக்காளியைப் பொடியாக நறுக்கிக் கொள்ளவும்.

3. வாணலியை அடுப்பில் வைத்து, எண்ணெய் ஊற்றி காய்ந்ததும், கடுகு, சீரகம், போட்டு தாளித்து, பிறகு கறிவேப்பில்லை, பெருங்காயம் சேர்க்கவும்.

4. பிறகு நறுக்கி வைத்துள்ள வெங்காயம், தக்காளி, மஞ்சள் தூள், உப்பு சேர்த்து நன்கு வதக்கவும்.

5. பிறகு நறுக்கி வைத்துள்ள கோவைக்காய் மற்றும் கேரட்டைப் போடவும்.

6. அதனுடன் மிளகாய்த்தூள், மல்லித்தூள் சேர்த்து நன்கு வதக்கி, சிறிது தண்ணீர் சேர்த்து மூடி வைத்து வேக விடவும்.

7. தண்ணீர் வற்றி காய் நன்கு வெந்ததும் அடுப்பிலிருந்து இறக்கி வைக்கவும்.

குறிப்பு

1. காய்களை நறுக்கி ஓவன் இருந்தால் அதில் தனியே வேக வைத்துக் கொண்டால் சீக்கிரம் வேலை முடிந்துவிடும். ஓவன் இல்லையெனில் குக்கரில் ஆவியில் வைத்து 3 விசில் விட்டு வேக வைத்துக் கொள்ளலாம்.

2. தேவைப்பட்டால் காய்களை இறக்கும் போது 1/2 தேக்கரண்டி ரசப்பொடி சேர்த்தால் இன்னும் மணமாக இருக்கும்.